Vishveekarn – Adhoori Vithya

ਰਵਿੰਦਰ ਰਵੀ

ਵਿਸ਼ਵੀਕਰਨ: ਅਧੂਰੀ ਵਿਥਿਆ

*੧.ਸੈਟੇਲਾਈਟ, ਖਲਾਅ-ਤਕਨੀਕ,

*੨.ਦੂਰ-ਸੰਚਾਰ ਦੇ ਸਾਧਨ ਸਾਰੇ।

ਸਭ ਮਾਨਵ ਦੀ ਸੋਚ ਦੇ ਅੰਦਰ,

ਏਥੋਂ ਚੜ੍ਹਦੇ, ਸੂਰਜ, ਤਾਰੇ।

“ਪਿੰਡ”, “ਬ੍ਰਹਮੰਡ” ਵੀ ਸ਼ਬਦ ਨੇ ਇਸ ਦੇ,

ਇਸ ਦੀ ਬੋਲੀ ਦੇ ਆਧਾਰ।

ਸੱਭਿਅਤਾ, ਲੋਕ-ਯਾਨ ਵਿਚ ਵੱਸਦਾ,

ਇਸ ਦੇ ਅਰਥਾਂ ਦਾ ਪਾਸਾਰ।

ਨਖਯਤਰਾਂ ਤਕ ਪਹੁੰਚ ਹੈ ਇਸ ਦੀ,

ਬ੍ਰਹਮੰਡ ਦੀ ਇਹ ਲਿਖੇ ਕਿਤਾਬ।

ਦਰਸ਼ਨ, ਸਾਇੰਸ ਤੇ ਮਨ-ਵਿਗਿਆਨ,

ਚਿੰਤਨ ਇਸ ਦਾ, ਵੱਖ, ਵੱਖ *੩.ਬਾਬ।

ਵਿਸ਼ਵੀਕਰਨ ‘ਚ ਘਟੇ ਫਾਸਲੇ,

ਦੇਸ਼ਾਂ ਵਿਚ ਰਹੀ ਨਾਂ ਦੂਰੀ।

ਮਾਨਵ ਤੋਂ ਮਾਨਵ ਪਰ ਦੂਰ,

ਵਿਥਿਆ ਇਸ ਦੀ ਅਜੇ ਅਧੂਰੀ।


 

*੧.ਸੈਟੇਲਾਈਟ, ਖਲਾਅ ਤਕਨੀਕ: Satellite and Space technology

*੨.ਦੂਰ-ਸੰਚਾਰ: Telecommunications                                                 *੩.ਬਾਬ: Chapter(s)

Leave a Reply

Your email address will not be published. Required fields are marked *